لمن أحد يطيح من عيني

:( السلام عليكم ورحمة الله وبركاته ..

والله من شاف مصيبت غيره هانت عليه مصيبته
طبعا أنا أملك المدونة بس اهلي وأقاربي ما يدرون شنو اسم المدونه أو شلون صايره
وكنت كل ما ادون فيها امسح اللنكات أو أعمل تسجيل خروج لأن أحب إن الشخصية الإلكترونية تحتفظ بطابعها
وكلماتها بدون ما تتداخل مع الشخصية الواقعية وهذي تعتبر قناعات ...

فكنت أظن إنها جريمه لمن احد يطلع على شخصيتي الالكترونية ..

بس اليوم حسيت إني وااااااااايد أذرب وأسنع من أشخاص ثانيين :(
صج شي يحزن يحزن يحزن

إن أستعير اللابتوب وأشوف اللنك المخزي إلي يعور القلب !! يمكن ضحكت بس بعدين حسيت ابيه ..
تخيلو إنهم ما خلو شي إلا ولقوله حل
طبعا ولله الحمد الكويت أقوى الدول في عمل رقابه على المواقع الإباحية ..
لكن في موقع عمل واحد ما ادري منو هالشخص الله يهديه تحط فيه أي رابط محذور ومغلق ويفتح لك إياه !!
تعجبوا تعجبوا

سين وين الرابط .. يسلاااام !! مسحته .. ولا أتشرف إني احتفظ فيه ...

الله يهدينا جميعا ومن اليوم ورايح ماراح أسوي تسجيل خروج .. لأن الشي إلي قاعد أسويه مو عيب ولا حرام ولا أنا غلطانه

بس من صج الشخصية هذي طااااااااااااااااااااااااااااااااااااحت من عيني طااااااااااااااااااااااااااااااااااااااحت